काठमाडौं । नेकपा एमाले कार्यदलको बैठकले साझा प्रतिवेदन तयार पारेर सचिवालय र केन्द्रीय कमिटीमा लैजाने निर्णय गरेको छ ।
बैठकपछि सञ्चारकर्मीसँग कुरा गर्दै सचिव महेश बस्नेतले अध्यक्ष केपी शर्मा ओलीको राजीनामा नमाग्ने, आलोचना नगर्ने र पदबाट हटाउने विषय नउठाउने सहमति भएको दाबी गरे ।
कार्यदल संयोजक रामबहादुर थापा ‘बादल’ र सदस्य सचिव शंकर पोखरेलले तयार पारेका छुट्टाछुट्टै मस्यौदा बैठकमा प्रस्तुत गरिएको थियो । दुवै मस्यौदालाई समेटेर साझा प्रतिवेदन तयार गर्ने जिम्मा यसअघि तोकिएका तीन जना नेतालाई दिइएको बस्नेतले बताए ।
‘अध्यक्षको आलोचना नगर्ने, राजीनामा नमाग्ने, पदबाट नहटाउने, कहीँ पनि बोल्दा पनि नबोल्ने, विशेष महाधिवेशन नगर्ने सहमति भएको छ,’ उनले भने ।
७० वर्षे उमेर हद, दुई कार्यकाल र नेतृत्व परिवर्तनको विषय भने नियमित महाधिवेशन वा विधान अधिवेशनमा छलफल हुने उनको भनाइ छ ।
१३ वटा समूहबाट आएका सुझावलाई प्रतिवेदनको अनुसूचीमा राख्ने सहमति भएको बस्नेतले बताए ।
पार्टीलाई जुझारु ढंगले अघि बढाउने तथा सरकारको ‘अधिनायकवादी शैली’विरुद्ध सशक्त आन्दोलन गर्न प्रतिनिधि परिषद्को बैठक बोलाउने निर्णय भएको पनि उनले जानकारी दिए ।
नियमित विधान महाधिवेशनमा विभिन्न विषयमा छलफल गरी उपयुक्त निर्णय लिन सक्ने मनसाय सबै नेताको रहेको बस्नेतको भनाइ छ ।
-1789109208-1789365177.jpeg)
