काठमाडौं । नेपाली कांग्रेसले चार जिल्लामा कार्यवाहक सभापति तोकेको छ।
वडा अधिवेशनको पूर्वसन्ध्यामा कांग्रेसले महाधिवेशन प्रक्रियामा सहभागी नहुने जिल्ला सभापतिहरूको स्थानमा कार्यवाहक सभापति तोकेको हो।
कांग्रेसका कार्यवाहक मुख्यसचिव कृष्णप्रसाद दुलालले कञ्चनपुर, मुगु, डोटी र बाग्लुङमा कार्यवाहक सभापति तोकिएको जानकारी दिए।
उनका अनुसार महाधिवेशन प्रक्रियामा सहभागी नहुने जिल्ला सभापतिहरूको स्थानमा विधानअनुसार वैकल्पिक व्यवस्था गरिएको हो।
उनले भने, “चारवटा जिल्लामा अधिवेशनमा भाग नलिने भएकाले विधानअनुसार वैकल्पिक व्यवस्था गरेका छौँ। महाधिवेशन प्रक्रियामा सहभागी नहुनेलाई विधानअनुसार कार्यवाहक दिइएको हो।”
कांग्रेसको विधानमा कुनै पनि तहका सभापतिले आफ्नो काम तथा कर्तव्य पालना नगरेको अवस्थामा केन्द्रीय सभापतिले तत्काल कार्यवाहक तोक्न सक्ने व्यवस्था छ।
प्रकाशित मिति: शुक्रबार, असोज २, २०८३
-1787133994.jpg)
