काठमाडौं । लुम्बिनी प्रदेश सरकार गठनका विषयमा एमाले अध्यक्ष केपी शर्मा ओली, नेकपाका संयोजक पुष्पकमल दाहाल ‘प्रचण्ड’ र नेकपा मसालबीच दुईबुँदे सहमति भएको छ।
सहमति पत्रमा एमाले अध्यक्ष ओली, नेकपाका संयोजक प्रचण्ड र नेकपा मसालका महामन्त्री मोहनविक्रम सिंहले हस्ताक्षर गरेका छन्।
सहमतिअनुसार लुम्बिनी प्रदेश सरकार गठन तथा प्रदेशमा हुने विकास निर्माणका कार्यमा सहकार्य गर्ने उल्लेख गरिएको छ।
त्यस्तै, दोस्रो बुँदामा राष्ट्रिय स्वाधीनता, संविधान र गणतन्त्रको पक्षमा तथा प्रतिगमनविरुद्ध हुने आन्दोलनमा सहकार्य गर्ने सहमति भएको छ।
दुईबुँदे सहमतिसँगै लुम्बिनी प्रदेशमा नयाँ सरकार गठनका लागि आवश्यक राजनीतिक समीकरण निर्माणमा थप सहजता भएको नेताहरूले बताएका छन्।
प्रकाशित मिति: बुधबार, साउन २७, २०८३
