काठमाडौं । नेपाली कांग्रेसको असन्तुष्ट पक्षले आयोजना गर्न लागेको राष्ट्रिय भेलाको स्थान टुंगो लागेको छ। साउन २९ देखि ३१ गतेसम्म हुने भेला काठमाडौंको सुकेधारास्थित मिराकल पार्टी भेन्यूमा आयोजना हुने भएको हो।
नेता तथा कार्यकर्ताको सम्भावित उपस्थितिलाई ध्यानमा राख्दै मिराकल पार्टी भेन्यू छनोट गरिएको एक नेताले जानकारी दिए।
भेलालाई पूर्वसभापति शेरबहादुर देउवाले समेत सम्बोधन गर्ने भएका छन्। देउवा बिहीबार सिंगापुरबाट नेपाल फर्किने र त्यसपछि भेलामा सहभागी हुने बताइएको छ।
भेलाका संयोजक डा. शशांक कोइरालाले भने नेता तथा कार्यकर्तालाई भेलामा सहभागी हुन आग्रह गर्दै पत्राचार गरिरहेका छन्। कांग्रेसभित्र देखिएको असन्तुष्टि र समसामयिक राजनीतिक विषयमा भेलामा छलफल हुने बताइएको छ।
प्रकाशित मिति: बुधबार, साउन २७, २०८३
