काठमाडौं : गृहमन्त्री सुधन गुरूङ र उद्योगमन्त्री गौरी यादवले मधेस प्रदेशका संघीय सांसदहरूसँग पछिल्लो घटनाक्रमबारे छलफल गरेका छन्।
सोमबार गृह मन्त्रालयमा आयोजित बैठकमा मधेस प्रदेशमा विकसित तनावपूर्ण अवस्थालाई केन्द्रमा राखेर छलफल गरिएको हो।
कोशी प्रदेशको सुनसरीस्थित देवानगञ्जमा भएको दुई पक्षीय झडपको प्रभाव मधेस प्रदेशसम्म फैलिएको थियो। सो घटनापछि प्रदर्शन चर्किँदा चार जनाको ज्यान गएको थियो।
उक्त घटनापछि स्थिति साम्य पार्न गृहमन्त्री गुरूङ कोशी र मधेस प्रदेशको स्थलगत भ्रमणमा समेत पुगेका थिए।
बैठकमा वर्तमान अवस्था नियन्त्रण, शान्ति–सुरक्षा कायम गर्ने उपाय तथा आगामी रणनीतिबारे सांसदहरूसँग सुझाव आदान–प्रदान गरिएको बताइएको छ।
प्रकाशित मिति: सोमबार, साउन २५, २०८३
