काठमाडौं । भारतीय कांग्रेस निकट अखिल भारत महिला कांग्रेसको महासचिवमा तेस्रो लिंगी अप्सरा रेड्डीलाई नियुक्त गरिएको छ ।
काँग्रेस अध्यक्ष राहुल गान्धीले उनलाई महाचिवमा नियुक्त गरेका हुन् । अप्सरा महिला कांग्रेसको महासचिव बन्ने पहिलो तेस्रो लिंगी हुन् ।
कांग्रेस प्रवेश गर्दैै उनले भनिन्, ‘म भाजपाको तानाशाहीविरुद्ध अभियान चलाउने छु र महिलाहरुलाई आर्थिक रुपमा सशक्त बनाउन र उनीहरुको अधिकार रक्षाको लागि निरन्तर काम गरिरहने छु ।’
केटाको रुपमा जन्मिएकी अप्सराले पछि लिंग परिवर्तन गरेकी हुन् । अष्ट्रेलिया र लण्डनमा पत्रकारिता पढेकी उनले पत्रकारको रुपमा समेत काम गरिसकेकी छन् ।
सन् २०१६ मा भाजपामा सामेल भएको केही दिनमै उनले स्वतन्त्रता कुण्ठित भएको भन्दै पार्टी छाडेकी थिइन् ।
त्यसपछि पूर्व मुख्यमन्त्री जयललिताको पार्टी अन्नाद्रमुकमा सामेल भएरर पार्टी प्रवक्ता बनिन् । जयललिताको निधनपछि अन्नाद्रमुक पार्टी पनि छाडेकी थिइन् ।
प्रकाशित मिति: शनिबार, पुस २८, २०७५
-1732776560.jpg)
