जकार्ता । इन्डोनेसियामा आइतबार बिहान आएको शक्तिशाली सुनामीका कारण मृत्यु हुनेको संख्या २ सय ८१ पुगेको छ ।
थप सुनामीको त्रासका कारण इण्डोनेसियामा अनक क्राकाटोआ ज्वालामुखी क्षेत्र वरपरका तटीय स्थानमा रहेका मानिसहरूलाई तटभन्दा परै बस्न आग्रह गरिएको छ ।
उद्धारकर्मीहरूले रातभर सुनामीका कारण फसेका मानिसहरूको उद्दार तथा खोजबिन कार्य जारी राखेका छन् । सुमात्रा तथा जाभा टापुका तटीय नगरहरूमा विशाल छालहरू ओइरिएका थिए ।
सो सुनामीका कारण २ सय ८१ जनाको मृत्यु भएको छ भने ८ सय ४३ घाइते भएका छन् ।
ज्वालामुखीका कारण समुद्रमुनि पहिरो गएको र त्यसैले सो सुनामी आएको अनुमान गरिएको छ । अनक क्राकाटोआ ज्वालामुखीबाट आइतवार फेरि खरानी र धुवाँको मुस्लो निस्किएका छन् । जसले थप सुनामी आउन सक्ने त्रास बढाइदिएको छ ।
इण्डोनेसियाका विपद व्यवस्थापन निकायका प्रमुख सुतोपो पुर्वाे नुग्रोहोले जाभामा पत्रकार सम्मेलन गरि थप सुनामीको सम्भावना बाँकी रहेको बताएका थिए ।
उनले मानिसहरूलाई हालका निम्ति तटीय क्षेत्रबाट परै रहन अनुरोध गरिएको बताए । अनक क्राकाटोआमा ज्वालामुखी विस्फोट निरन्तर भइरहेकाले सुनामीको खतरा बाँकी रहेको उनले बताए ।
प्रकाशित मिति: आइतबार, पुस ८, २०७५
-1732776560.jpg)
