एजेन्सी । पनामामा पत्ता लागेको एक आँखा नदेख्ने उभयचर जीवको नाम ‘डरमोफिस डोनाल्डट्रम्पी’ राखिएको छ ।
ब्रिटेनको एक भवन निर्माण गर्ने कम्पनी ‘इन्भारो विल्ड’ ले गएको मंगलबार यस जीवको नामाकरण गरेको हो । जीवको नाम राख्न पाउने अधिकारका लागि गरिएको लिलामीमा उक्त कम्पनीले २५ हजार अमेरिकी डलर खर्च गरेको थियो ।
ट्रम्पले जलवायु परिवर्तनमा असर पर्ने नीति लिएको विरोधमा प्रतिक्रियास्वरुप जीवको नाम ‘डरमोफिस डोनाल्डट्रम्पी’ राखिएको जनाइएको छ । उक्त नाम सो कम्पनीका प्रमुख एडन बेलले राखिदिएका हुन् । उनले भनेका छन्, ‘ यो जीव र डोनाल्ड ट्रम्पको व्यवहार मिल्दोजुल्दो छ ।’
सानो,आँखा नदेख्ने र विशेष गरेर जमिनमुनि टाउको लुकाएर बस्ने यो जीव र जलवायु परिवर्तनका सन्दर्भमा अमेरिकी राष्ट्रपति डोनाल्ड ट्रम्पको जमिनमुनि टाउको लुकाउने प्रवृत्ति उस्तै रहेको उनले बताएका छन् ।
प्रकाशित मिति: बुधबार, पुस ४, २०७५
-1732776560.jpg)
