डेनमार्कको राजधानी कोपनहेगनको एक बेबी होटलको सानो कोरिडोर हुँदै हिँड्ने हो भने बच्चा रोएको आवाज सुनिन्छ । यो क्षेत्रमा बच्चाको हेरचाह गर्ने नर्स पनि देखिन्छन् । यी सबै तस्बिरले त्यहाँ मातृशिशु वार्ड छ या बेबी होटल, भन्ने छुट्याउन कठिन हुन्छ ।
‘आफ्नो पहिलो बच्चा जन्माएका सबै महिलाहरु दुई दिनका लागि यहाँ बस्न सक्छन्,’ हेड नर्स टीना होम निल्सन भन्छिन्, ‘यदि आमा र बच्चालाई कुनै समस्या भयो भने हाम्रो सहायताको आवश्यकता परुन्जेलसम्म पनि उहाँहरु बस्न सक्नुहुन्छ ।’
डेनमार्कको यो मातृशिशु होटल प्रोग्राम सरकारी कोषबाट चल्ने गर्छ । यहाँ सबै बच्चालाई आफ्नो जीवनको पहिलो दिन बराबर अधिकार र समान हेरचाहको अवसर प्राप्त हुन्छ । बच्चाका आमाबाबु चाहे जस्तोसुकै सामाजिक या आर्थिक वर्गका हुन्, उनीहरु धनी हुन् या गरीब, उनीहरु सबैको यहाँ बराबरी अधिकार छ ।
होटलजस्तो अस्पताल
यो पब्लिक कार्यक्रम कोपनहेगनको ह्विदोव्रे अस्पतालमा चल्छ र य डेनमार्कको उदार चान्डकेयर नीतिको एक हिस्सा हो । डेनमार्क सरकारको यो कार्यक्रमले सबै महिलालाई आफ्ना नवजात बच्चाको राम्र्रो स्वास्थ्य र उसलाई जीउन तयार पार्नका लागि सबैभन्दा राम्रो हेरचाह प्राप्व्त गर्ने अधिकार दिएको छ ।
पहिलो पटक आमा बनेकी महिला अस्पतालको मातृशिशु वार्ड या ‘होटल’ मा निशुल्क बस्न सक्छिन् । यहाँका नर्सले उनीहरुको रेखदेख गर्छन् र कुनै समस्या आएमा त्यसको समाधान पनि यही गरिन्छ ।
हेड नर्स टीना भन्छिन्, ‘डेनमार्कमा यस प्रकारको सेवा लिन कुनै पैसा लाग्दैन ।’ युरोपका धेरैजसो देशजस्तै डेनमार्कमा पनि जनसंख्याको ठूलो हिस्सा बुढ्यौलीतर्फ ढल्किएको छ । सरकारले महिलालाई आमा बन्नका लागि प्रोत्साहित गर्छ । यसका लागि पहिलो बच्चाका लागि फ्रि–भिट्रो फर्टिलाइनेशनजस्ता कार्यक्रम चलाइरहेको छ । ह्विद्रोवे अस्पतालमा आफ्ना पहिलो बच्चाको जन्म दिने सारा वांग इप्सेन भन्छिन्, ‘म आफूलाई निकै भाग्यशाली मान्छु । मलाई यो अस्पतालमा केही दिन बस्ने अवसर प्राप्त भयो । म एक्लो छु, त्यसकारण बच्चा जन्मिएको चार घन्टामा नै उसलाई लिएर घर जान मुश्किल थियो । मैले एक्लै उसको राम्रो हेरचाह गर्न पनि गाह्रो हुन्थ्यो ।’
उनले थपिन्, ‘हुन सक्छ कि म उसलाई सम्हाल्न पनि सक्थे होला तर मलाई यहाँ बस्नु बच्चाका लागि पनि एकदम सही सुरुवात हो ।’
कोपनहेगनको यो अस्पताल–होटलमा खानपिनका लागि सबै कुरा उपलब्ध छन् । इप्सेन भन्छिछन्, ‘यहाँको मेन्यूमा सबै प्रकारका आइटम छन् र ६० देखि ९० प्रतिशत खानेकुरा अर्गानिक छन् । म फोन गरेर खानाको अर्डर दिन सक्छु ।’
ह्विद्रोवे अस्पतालमा आउने नयाँ आमा–बाबुलाई साझा रुपमा ५२ सातासम्मको विदाको अफर गरिन्छ । यो विदाका क्रममा उनीहरुलाई १८ साताको तलब समेत उपलब्ध गराइन्छ ।
त्यहाँ पुरै परिवारका लागि राम्रो सुविधा रहेको छ र यसले मानिसहरुले आफूलाई सुरक्षित महसुस गर्छन् ।
प्रकाशित मिति: सोमबार, पुस २, २०७५
-1732776560.jpg)
