वासिंगटन । अमेरिकी राष्ट्रपति डोनाल्ड ट्रम्पले अमेरिका र चीनबीचको सम्बन्ध थप खस्कन नदिन आफूले हुवावेकी वित्तीय कार्यकारी मंग वान्झाउको मुद्दामा हस्तक्षेप गर्न सक्ने संकेत गरेका छन् ।
उनले आफूले जे गर्दा देशको हितमा हुन्छ त्यही गर्ने उल्लेख गरेका छन् । ४६ वर्षीया मङ्ग हुवावेका संस्थापककी छोरी हुन् । उनीविरुद्ध प्रतिबन्धहरुको बेवास्ता गर्दै इरानलाई टेलिकम सामाना बेच्ने एक कम्पनीसँगको सम्बन्ध ढाकछोप गरेको आरोपमा क्यानडामा पक्राउ गरिएको छ ।
अमेरिकाले सुपुर्दगी गर्न अनुरोध गरेपछि उनी डिसेम्बर १ तारिखमा भ्यान्कुबरमा पक्राउ परेकी थिइन् । सो कदमले अमेरिका र चीनबीच नयाँ कूटनीतिक तनाव बढाएको छ ।
उनले भने आरोपहरु अस्वीकार गर्दैै आएकी छन् । क्यानाडाको एक अदालतले चिनिया टेलिकम फर्म हुवावेकी प्रमुख वित्तीय कार्यकारी मंगलाई धरौटीमा छोड्न आदेश दिएको छ ।
रोयटर्ससँगको कुराकानीका क्रममा ट्रम्पले भने चीनसँग व्यापार सम्झौता हुने अवस्थामा उनले अमेरिकी न्याय मन्त्रालयले हेरिरहेको मंग विरुद्धको मुद्दामा आफूले हस्तक्षेप गर्न सक्ने संकेत दिएका हुन् ।
प्रकाशित मिति: मंगलबार, मंसिर २५, २०७५
-1732776560.jpg)
