पेरिस । सरकारविरुद्ध प्रदर्शन बढ्दै जाँदा फ्रान्सका राष्ट्रपति इमानुएल म्याक्रोंले देशका नाममा सम्बोधन गरेका छन् ।
सरकारले राष्ट्रपतिले गरेको सम्बोधनले देशमा ‘पहेँला टिसर्टधारी’ को आन्दोलनका क्रममा राखिएका मागहरुको पनि सम्बोधन हुने भन्दै संसदलाई विश्वस्त पार्ने प्रयास गर्ने जनाइएको छ ।
संसदको बैठकलाई फ्रान्सेली सरकारले यस विषयमा आश्वस्त पार्ने प्रयास गर्ने समाचारमा जनाइएको छ । पहेँला टिसर्टधारीहरुले आन्दोलनकै माध्यमबाट सरकारलाई दबाब दिने प्रयास गरिरहेका बताइएको छ ।
सोमबार फ्रान्सेली राष्ट्रपति इम्यानुएल म्याक्रोले राष्ट्रका नाममा सम्बोधन गरेका थिए । सो सम्बोधनका क्रममा हाल फ्रान्समा जारी रहेको आन्दोलनलाई मत्थर पार्ने प्रयास गरेका छन् ।
महंगीविरुद्ध आन्दोलन चर्किएपछि दबावमा परेका फ्रान्सका राष्ट्रपति इमानुअल म्याक्रोंले तलब वृद्धि र कर छुटको घोषणा गरेका छन् ।
सो आन्दोलनमा इन्धनको मूल्य बृद्धिको निर्णय फिर्ता लिन र महङ्गी नियन्त्रण गर्न राष्ट्रवपतिसमक्ष माग गरिएको छ । फ्रान्सेली राष्ट्रिय टेलिभिजनमार्फत् देशबासीलाई सम्बोधन गर्दै उनले सन् २०१९ देखि न्युनतम तलबमा मासिक एक सय यूरो बढाउने लगायतका घोषणा गरेका हुन् ।
प्रकाशित मिति: सोमबार, मंसिर २४, २०७५
-1732776560.jpg)
