१८ फागुन, काठमाडौँ । सप्तरीको राजविराज–५ स्थित रुपनी रोडमा पर्ने लक्ष्मी इङ्गलिस बोर्डिङ स्कूल परिसरभित्र बुधबार बिहान फेला परेको बम सेनाले निष्क्रिए बनाएको छ । बमलाई निष्क्रिय पार्नका लागि राजविराजस्थित कृष्ण गणबाट नेपाली सेना, जिल्ला प्रहरी कार्यालयबाट नेपाल प्रहरी र सशस्त्र प्रहरीको टोली त्यहाँ पुगेको सप्तरीका प्रहरी उपरीक्षक दिवेश लोहनीले बताउनुभयो । यसैबीच, बम फेला परेको ठाउँमा जनतान्त्रिक तराई मुक्ति मोर्चा, जयकृष्ण गोइत समूहको पर्चा फेला परेको प्रहरीले जनाएको छ । यसअघि मङ्गलबार पनि राजविराज–९ स्थित पिसजोन बोर्डिङ स्कुलको छेउमा बम फेला परेको थियो ।
प्रकाशित मिति: मंगलबार, फागुन १७, २०७३
-1752594743.JPG)
