२४ साउन, बुटवल। तीन दिनदेखि हराइरहेका कपिलवस्तु नगरपालिकाका पूर्वमेयर तथा कांग्रेस नेता किरण सिंह मृत अवस्थामा फेला परेका छन्।
कपिलवस्तुका प्रहरी प्रमुख एसपी मनोहर भट्टका अनुसार सिंहको शव आइतबार जिल्लाको गोरुसिंगे जंगलमा भेटिएको हो। ६५ वर्षीय सिंह शुक्रबार दिउँसो करिब २ बजेतिर कपिलवस्तु–३ स्थित आफ्नै घरबाट निस्किएका थिए।
प्रहरीका अनुसार पूर्व–पश्चिम राजमार्गबाट करिब आठ किलोमिटर भित्र जंगल क्षेत्रमा उनले प्रयोग गर्ने लु प्र ०१–०१३ प ७९७० नम्बरको मोटरसाइकल रोकिएको अवस्थामा फेला परेको थियो।
सिंहको खोजीका लागि गौतमबुद्ध विमानस्थलबाट तालिमप्राप्त कुकुरसमेत परिचालन गरिएको थियो भने ड्रोनमार्फत निगरानीसमेत गरिएको थियो।
प्रकाशित मिति: आइतबार, साउन २४, २०८३
