काठमाडौं । गृहमन्त्री सुधन गुरुङले प्रहरी महानिरीक्षक (आईजीपी) दानबहादुर कार्कीको बचाउ गर्दै उजुरीकै आधारमा सांसदहरूले कसैलाई दोषी ठहर गर्न नहुने बताएका छन्।
कानुन समितिको बैठकमा बोल्दै गृहमन्त्री गुरुङले आरोप लाग्दैमा कसैको चरित्रहत्या गर्न नमिल्ने बताए।
उनले भने, “उजुरीको भरमा हामी न्यायाधीश बन्न मिल्दैन। आरोप जो–कोहीलाई लाग्यो भन्दैमा चरित्रहत्या गर्न पाइँदैन। यसमा गृह मन्त्रालयकै ध्यानाकर्षण भएको छ।”
गृहमन्त्री गुरुङले आईजीपीसहितका कर्मचारी सरकारको स्पिरिटअनुसार काम गर्न खटिएको उल्लेख गर्दै आरोप पुष्टि नभएसम्म त्यसकै आधारमा धारणा बनाउन नहुने बताए।
“आरोप लगाउन जो–सुकैले लगाउन सके। तर पुष्टि नभएसम्म कारबाही गर्न हुँदैन। यो गम्भीर विषय थियो–कहाँ गएर भनौँजस्तो लागेको थियो,” उनले भने।
प्रकाशित मिति: शुक्रबार, साउन २९, २०८३
