रोल्पाको सुनछहरी गाउँपालिका–२ स्थित फलबाङ गाउँमा पहिरोले घर पुरिँदा तीन जना बेपत्ता भएका छन्।
अविरल वर्षाका कारण बिहीबार राति खसेको पहिरोले स्थानीय वीरबहादुर घर्तीमगरको घर पुरिएको हो। पहिरोमा घरधनी वीरबहादुर घर्तीमगर, उनकी श्रीमती शनी घर्तीमगर र उक्त घरमा बास बस्न आएकी छिमेकी लली घर्तीमगर पुरिएका छन्।
जिल्ला प्रहरी कार्यालय रोल्पाका निमित्त सूचना अधिकारी एवं प्रहरी निरीक्षक कृष्ण श्रेष्ठका अनुसार पहिरो हटाएर बेपत्ताको खोजी तथा उद्धार कार्य भइरहेको छ। स्थानीयवासीको सहयोगमा प्रहरीले खोजी कार्य जारी राखेको छ।
यसैगरी, सुनछहरी गाउँपालिका–२ कै गिट्ठे गाउँमा लादे बुढामगरको घरसमेत पहिरोले पुरिएको प्रहरीले जनाएको छ। घटनास्थलमा प्रहरी टोली परिचालन गरिएको छ।
प्रकाशित मिति: शुक्रबार, साउन २९, २०८३
