काठमाडौँ । नेपाली राष्ट्रिय फुटबल टीमका युवा स्ट्राईकर अञ्जन विष्टलाई स्पेनमा सम्मान गरिने भएको छ । स्पेनस्थित मार्बेला युनाईटेड एफसीमा प्रशिक्षणका रहेका युवा खेलाडी बिष्टलाई स्पेनको नेपाली समुदायले सम्मान गर्न लागेका हुन् । नेपाली जनप्रगतिशील मञ्च स्पेनले राष्ट्रिय खेलाडी बिष्टलाई फेब्रअरी १२ तारिख आईतबार बार्सिलोनामा सम्मान कार्यक्रमको आयोजना गरेको छ । मञ्चका अध्यक्ष गंगा प्रसाद भुसालले स्पेनमा फुटबलको चासो राख्ने नेपाली युवाहरु पनि थुप्रै भएकाले बिष्ट सँग उनीहरुको अन्तरक्रिया पनि गराउने जनाएका छन् ।
प्रकाशित मिति: बिहीबार, माघ २०, २०७३
