काठमाडौं । बिहीबार सेयर बजारमा दोहोरो अंकको वृद्धि भएको छ। अघिल्लो दिन बुधबार २१.१९ अंकले घटेको नेप्से परिसूचक आज ११.९३ अंकले बढेर २६२४.३६ विन्दुमा पुगेको हो।
नेप्से बढेसँगै कारोबार रकम पनि अघिल्लो दिनको तुलनामा बढेको छ। आज ३३९ वटा स्क्रिप्सको १ करोड ३६ लाख १० हजार ४९६ कित्ता सेयर ५ अर्ब ४९ करोड ९३ लाख १६ हजार ६४३ रुपैयाँमा खरिदबिक्री भएको छ। बुधबार ५ अर्ब ३८ करोड रुपैयाँ बराबरको कारोबार भएको थियो।
कारोबारमा आएका कम्पनीमध्ये १७७ वटाको सेयर मूल्य बढ्दा ८५ वटाको घटेको छ भने १६ वटा कम्पनीको मूल्य स्थिर रह्यो।
धौलागिरी लघुवित्त वित्तीय संस्थाको सेयर मूल्य १२.४२ प्रतिशतले बढेको छ। यस्तै, नारायणी डेभलपमेन्ट बैंकको ६.४४ प्रतिशत र माउन्टेन हाइड्रो नेपालको ५.५१ प्रतिशतले बढेको छ।
कारोबार रकमका आधारमा सिद्धार्थ बैंक शीर्ष स्थानमा रह्यो। बैंकको ३३ करोड ६२ लाख रुपैयाँ बराबरको सेयर कारोबार भएको छ। शिवम् सिमेन्टको २७ करोड, सोलु हाइड्रोपावरको २३ करोड, रिलायन्स स्पिनिङ मिल्सको १७ करोड र एनआरएन इन्फ्रास्ट्रक्चर एन्ड डेभलपमेन्टको १४ करोड रुपैयाँ बराबरको सेयर कारोबार भएको छ।
आज इन्भेस्टमेन्ट र अदर्स समूहका उपसूचकबाहेक बाँकी सबै समूहका उपसूचक सकारात्मक देखिएका छन्।
प्रकाशित मिति: बिहीबार, असोज १, २०८३
-1787133994.jpg)
