काठमाडौं । काठमाडौं महानगरपालिका–३, गंगालाल अस्पतालनजिक बस र स्कुटर एकआपसमा ठोक्किँदा स्कुटर चालकको मृत्यु भएको छ ।
मंगलबार बुढानीलकण्ठबाट नारायणगोपाल चोकतर्फ जाँदै गरेको बा ५ ख ३६७१ नम्बरको बस र नारायणगोपाल चोकबाट बुढानीलकण्ठतर्फ आउँदै गरेको बा ५३ प २४८५ नम्बरको स्कुटर ठोक्किएका थिए ।
दुर्घटनामा बुढानीलकण्ठ नगरपालिका–१३, चुनिखेलका २२ वर्षीय स्कुटर चालक समिर श्रेष्ठ गम्भीर घाइते भएका थिए । उनको उपचारका क्रममा मृत्यु भएको काठमाडौं उपत्यका ट्राफिक प्रहरी कार्यालयका प्रवक्ता एवं प्रहरी उपरीक्षक नरेशराज सुवेदीले जानकारी दिए ।
दुर्घटनामा स्कुटरमा सवार सोही स्थानकी २१ वर्षीया आयुष्मा मगर पनि घाइते भएकी छन् । उनको उपचार भइरहेको ट्राफिक प्रहरीले जनाएको छ ।
प्रकाशित मिति: मंगलबार, भदौ ३०, २०८३
