काठमाडौँ । नेकपा (माओवादी केन्द्र) का प्रमुख सचेतक हितराज पाण्डेले नेकपा (एमाले) का कारण आइतबार संसद बैठक बस्न नसकेको बताएका छन्।
आजको बैठक सञ्चालन गर्नेबारे प्रधानमन्त्री पुष्पकमल दाहाल ‘प्रचण्ड’, नेपाली कांग्रेसका सभापति शेरबहादुर देउवा र एमालेका अध्यक्ष केपी शर्मा ओलीबीच सिंहदरवारमा छलफल भएको थियो। छलफलमा प्रधानमन्त्री प्रचण्डले संसदमा स्पष्टीकरण दिने सहमति भएको थियो।
‘छलफलमा उहाँ (ओली) प्रधानमन्त्रीलाई बोल्न दिने सहमति गरेर जानुभयो तर पछि हामी संसद बैठक चल्न दिन्नौँ है भनेर सन्देश पठाउनुभयो,’ पाण्डेले भने,‘प्रमुख प्रतिपक्षी दलले संसद चल्न नदिने भनेपछि आजको बैठक बस्न सकेन।’
प्रकाशित मिति: आइतबार, असार २४, २०८०
