काठमाडौँ । प्रस्तावित प्रधानन्यायाधीश हरिकृष्ण कार्कीसँग भोलि (शुक्रबार) संसदीय सुनुवाइ समितिले सवाल-जवाफ गर्ने भएको छ ।
शुक्रबारको बैठकमा सांसदहरूले प्रश्न सोध्ने र प्रधानन्यायाधीशमा सिफारिस कार्कीले जवाफ दिने कार्यसूची रहेको छ ।
समितिमा आजदेखि सुरु भएको सुनुवाइमा कार्कीले आफ्नो कार्य योजना र योग्यता प्रस्तुत गरेका छन्। उनले न्यायिक क्षेत्रको विचलन ६० प्रतिशत रोक्न सफल भएको बताएका छन्।
गोला प्रथा लागु भएपछि न्यायिक विचलन कम हुँदै गएको र स्वच्छता गर्ने दिशामा अगाडि बढेको दाबी गरेका छन्।
उनीमाथिको सुनुवाइ शुक्रबार बिहान फेरि ८ बजेदेखि सुरु हुनेछ।
प्रकाशित मिति: बिहीबार, जेठ ३२, २०८०
