काठमाडौँ । राष्ट्रपति रामचन्द्र पौडेलले गरेको नागरिकता विधेयक प्रमाणीकरणविरुद्धको रिटमा आज सुनुवाइ हुँदैछ । वरिष्ठ अधिवक्ता सुरेन्द्र भण्डारीले हालेको रिट मंगलबार सर्वोच्चका न्यायाधीशद्वय कुमार रेग्मी र हरिप्रसाद फुयाँलको इजलासमा परेको छ ।
यसअघि सर्वोच्च अदालतका न्यायाधीसद्वय प्रकाशमान सिंह रायत र सुष्मालता माथेमाको संयुक्त इजलासले प्रमाणीकरण भएको विधेयकको प्रतिलिपि राष्ट्रपति कार्यालयबाट झिकाउन आदेश दिएको थियो ।
साथै प्रधानमन्त्री तथा मन्त्रिपरिषद्को कार्यालय सिंहदरवारले गरेको प्रमाणीकरण गराउन अनुरोध गर्ने जेठ १२ गतेको निर्णय पनि झिकाउन आदेश दिएको थियो । यस विषयमा छलफल गर्न दुवै पक्षलाई मंगलबार बोलाएको थियो । आज दुवै पक्षले यस विषयमाथि बहस गर्नेछन् ।
प्रकाशित मिति: मंगलबार, जेठ ३०, २०८०
