२० माघ, काठमाडौँ । तेल कम्पनीका पूर्वप्रमुख कार्यकारी रेक्स टिलरसनलाई अमेरिकी सिनेटले विदेशमन्त्रीमा अनुमोदन गरेको छ । टिलरसन तेल कम्पनी एक्जनमोबील पूर्वप्रमुख कार्यकारी रहेका थिए । अमेरिकी राष्ट्रपति डोनाल्ड ट्रम्पले ६४ वर्षीय टिलरसनलाई अमेरिकी सिनेटले विदेश मन्त्रीमा अनुमोदन गरेपछि अव ताजा विदेश नीति अपनाइने बताउनुभएको छ । विगतमा कुनै पनि सार्वजनिक पदधारण नगरेका टिलरसनलाई रुससँग निकटसम्बन्ध भएको भन्ने विषयमा आलोचना रहँदै आएको छ ।
विशाल तेल कम्पनीका पूर्वप्रमुख टिलरसनले रुसी सरकारी तेल कम्पनी रोसनेफ्टसँग अर्बो डलर बराबरको व्यापारिक सम्झौता गरेका थिए । अमेरिकी सिनेटमा टिलरसनलाई अनुमादनको लागि भएको मतदानमा रिपब्लिकनले उनको समर्थन गरेका थिए भने, अधिकाँस डेमोक्र्याटले भने विरोध गरेका थिए । सिनेटमा ५६ भोट उनको पक्षमा परेको थियो भने ४३ भोट उनको विपक्षमा परेको थियो ।
प्रकाशित मिति: बुधबार, माघ १९, २०७३
-1732776560.jpg)
