काठमाडौँ । प्रमुख प्रतिपक्ष दल नेकपा (एमाले)का अध्यक्ष एवं पूर्व प्रधानमन्त्री केपी शर्मा ओलीले आगामी आर्थिक वर्ष २०८०र०८१ को बजेट सच्याउन माग गरेका छन् ।
प्रतिनिधिसभाको मङ्गलवारको बैठकमा आगामी आर्थिक वर्षको बजेटमाथिको छलफलमा सहभागी हुँदै ओलीले बजेट सच्याउन माग गरेका हुन् ।
मुलुकको अर्थतन्त्र र जनताको आर्थिक अवस्थालाई मध्यनजर गरेर सरकार बजेट सच्याउन तयार हुनुपर्ने ओलीको भनाइ थियो ।
उनले भने, ‘यहाँ सत्ता अहङ्कार हुन्छ । बजेट सच्याउन मिल्दैन । बजेट सच्याएबापत सरकार असफल भयो भन्दैनौँ हामी, सच्याउनुस् बजेट । सरकार असफल भयो, सरकारले बजेट फेर्यो भन्दैनौँ हामी । सरकार देश र जनताका लागि बजेट सच्याउन तयार होस् । हामी साथ दिन्छौँ । तर सत्ता अहङ्कारले बजेटमा कमा, फुल स्टप फेरिँदैन । हामी जो बाहुबली छौँ, टेर्दैनौँ भन्नुहुन्छ भने परिणामले तपाईँलाई सत्ता अहङ्कारबाट तपाईँको अहङ्कारको सत्ताको भूत परिणामले झारिदिनेछ ।’
प्रकाशित मिति: मंगलबार, जेठ २३, २०८०
