काठमाडौँ । नक्कली भुटानी शरणार्थी प्रकरणको मुद्दामा आज पनि थुनछेक बहस हुने भएको छ ।
काठमाडौँ जिल्ला अदालतका न्यायाधीश प्रेमप्रसाद न्यौपानेको इजलासमा आइतबारदेखि सुरु भएको थुनछेक बहस आज पनि हुने भएको हो ।
जसअनुसार आइतबार दुई जना सरकारी वकिलले मात्रै बहस गरेका थिए । सरकारी वकिल कार्यालय काठमाडौँका जिल्ला न्यायाधीवक्ता महेशप्रसाद घिमिरे र जनकप्रसाद घिमिरेले बहस गरेका हुन्।
पूर्व उपप्रधानमन्त्री टोपबहादुर रायमाझी, पूर्व गृहमन्त्री बालकृष्ण खाँण, निलम्बित सचिव टेकनारायण पाण्डे लगायत अठारै जनालाई अदालतमा उपस्थित गराएर सरकारी वकिलहरूले थुनछेक बहस सुरु गरेका थिए ।
सोमबार र मङ्गलवार पनि सरकारी वकिलले नै बहस गर्ने तयारी छ। त्यसपछि अर्को मङ्गलवार सम्म भने प्रतिवादीको तर्फबाट वकिलहरूले बहस गर्नेछन्।
यस प्रकरणमा अहिलेसम्म १८ जना पक्राउ परेका छन्।
प्रकाशित मिति: सोमबार, जेठ २२, २०८०
