काठमाडौँ । धरान उपमहानगरपालिकाका मेयर हर्कराज साम्पाङ राई नागरिक उन्मुक्ति पार्टीका नेता रेशमलाल चौधरी रिहाइ भएकोमा आफू खुसी भएको बताएका छन् ।
कैलालीको टिकापुर घटनामा मुख्य योजनाकारको आरोपमा डिल्लीबजारमा कारागारमा आजीवन कारावासको सजाय भोगिरहेका चौधरीलाई सरकारले गणतन्त्र दिवसको अवसरमा सोमबार (आज) आममाफी दिएसँगै उनी रिहा भएका हुन् । चौधरीको रिहाइको माग गर्दै धेरै पटक प्रदर्शन समेत गरेको मेयर हर्कले बताएका छन् ।
उनले भनेका छन्,‘सागर बरु सुकेर गइजाला ! जान्न माया कहिले नि सुकेर ! यो गीत गाउँदै रेशम चौधरीलाई सम्झन्थेँ ! वहाँको सङ्गीत हो यो ! अनेकन चोटि मैले वहाँको रिहाइको माग गर्दै प्रदर्शन पनि गरेँ ! आज म खुसी छु !’
प्रकाशित मिति: सोमबार, जेठ १५, २०८०
