काठमाडौँ । प्रधानमन्त्री पुष्पकमल दाहाल ‘प्रचण्ड’ले नक्कली भुटानी शरणार्थी प्रकरणको छानबिन रोक्न कसैले दबाब नदिएको बताएका छन् ।
सोमबार माओवादी केन्द्रका पदाधिकारीहरूसँग बालुवाटारमा अनौपचारिक छलफल गर्दै उनले यस्तो बताएका हुन् ।
छलफलमा प्रधानमन्त्री प्रचण्डले र उपप्रधानमन्त्री तथा गृहमन्त्री नारायणकाजी श्रेष्ठले उक्त प्रकरणबारे ‘ब्रिफिङ’ गरेका थिए ।
प्रधानमन्त्रीले भने, ‘मुख छोडेर यसो गर, उसो गर भनेर कोही बोल्न सकेका छैनन् । दोषी कोही नपरुन् भन्ने सबैले दोहोर्याउँछन् । तर, यसो गरौँ । यहाँ छोडिदिनुपर्यो भन्ने कुरा कसैको छैन ।’
प्रधानमन्त्री प्रचण्डले शीर्ष नेताहरुबीचको भेटघाटमा बाहिर आशङ्कायुक्त टीकाटिप्पणी भएको भए पनि संसद्को क्रियाशीलताका लागि छलफल गरेको बताएका थिए ।
प्रकाशित मिति: सोमबार, जेठ १, २०८०
