काठमाडौँ । लुम्बिनी प्रदेशका मुख्यमन्त्री डिल्लीबहादुर चौधरीले अबको दुई–चार दिनमै सरकारले पूर्णता पाउने बताएका छन्।
सोमबार तुलसीपुर पत्रकारहरूसँग कुरा गर्दै मुख्यमन्त्री चौधरीले यस्तो बताएका हुन् । उनले चाँडोभन्दा चाँडो आफूहरू सरकारलाई पूर्णता दिने तयारीमा लागेको पनि बताए। छिटो सरकारलाई पूर्णता दिएर समयमै बजेट ल्याउनु पर्ने चुनौती सरकारलाई छ।
उनले भने, ‘अहिले परिस्थिति त्यस्तै बनिदियो र सुदूरपश्चिममा पनि ढिलाइ भइरहेको छ । सुदूरपश्चिम र यहाँ सँगैसँगै सरकारलाई पूर्णता दिने तयारी छ। दुई–चार दिन पर्खनुस् । मन्त्रालय थप्नेरनथप्ने सबै थाहा भइहाल्छ।’
प्रकाशित मिति: मंगलबार, वैशाख २६, २०८०
