काठमाडौँ । नवनियुक्त ३ मन्त्रीले पद तथा गोपनीयताको शपथ लिएका छन् ।
आज (बिहीबार) उनीहरूलाई राष्ट्रपति रामचन्द्र पौडेलले राष्ट्रपति भवन शीतल निवासमा आयोजित समारोहमा शपथ गराएका हुन् ।
नेपाली काँग्रेसबाट धनराज गुरुङ, मोहन बस्नेत र डिगबहादुर लिम्बु बुधबार मन्त्री नियुक्त भएका थिए ।
प्रधानमन्त्री पुष्पकमल दाहाल ‘प्रचण्ड’ले बुधबार गुरुङलाई कानुन, बस्नेतलाई स्वास्थ्य र लिम्बुलाई युवा तथा खेलकुद मन्त्रीमा नियुक्त गरेका थिए । यसअघि कानुन मन्त्रालयको जिम्मेवारी रक्षा मन्त्रीसमेत रहेका पूर्णबहादुर खड्काले सम्हालेका थिए ।
प्रकाशित मिति: बिहीबार, वैशाख २१, २०८०
