काठमाडौँ । चितवन क्षेत्र नम्बर-२ मा मतगणना सुरु भएको छ।
सोमबार दिउँसो प्रतिनिधि सभा सदस्यको उपनिर्वाचनको मतगणना इच्छाकामना गाउँपालिकाबाट सुरु गरिएको हो।
बिहान सर्वदलीय बैठक बसेर दिउँसो १ बजेदेखि मतगणना सुरु गर्ने निर्णय गरेको थियो।
यहाँ राष्ट्रिय स्वतन्त्र पार्टीका सभापति रवि लामिछाने, नेपाली काँग्रेसका जितनारायण श्रेष्ठ र नेकपा एमालेका रामप्रसाद न्यौपाने उम्मेदवार छन्।
प्रकाशित मिति: सोमबार, वैशाख ११, २०८०
