संखुवासभा । संखुवासभाको पाँचखपन नगरपालिका–८, पोख्राङमा चट्याङ लागेर बुधबार (भदौ २४) राति एकजनाको मृत्यु भएको छ। घटनामा दुईजना घाइते भएका छन्।
पोख्राङस्थित अलैँची भट्टीमा अलैँची केलाउँदै गरेका बेला चट्याङ लागेर २८ वर्षीय उमेश दाहालको मृत्यु भएको जिल्ला प्रहरी कार्यालयका सूचना अधिकारी धनबहादुर राजवंशीले जानकारी दिए।
हावाहुरी र वर्षासँगै परेको चट्याङ लागेर गम्भीर घाइते भएका दाहाललाई उपचारका लागि पाँचखपन आधारभूत अस्पताल लगिएको थियो। अस्पताल पुर्याउनेबित्तिकै चिकित्सकले उनलाई मृत घोषणा गरेका थिए।
चट्याङ लागेर सोही ठाउँका ६४ वर्षीय पुष्पलाल कटवाल र ६२ वर्षीय छत्रबहादुर दाहाल पनि गम्भीर घाइते भएका छन्।
घाइते दुवैजनाको पाँचखपन आधारभूत अस्पतालमा उपचार भइरहेको प्रहरीले जनाएको छ।
प्रकाशित मिति: बिहीबार, भदौ २५, २०८३
