काठमाडौं । भोटेकोशी र त्रिशुली नदीमा आएको बाढीमा परी मृत्यु भएका १ हजार ३५७ जनाको शव फेला परेको छ ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणले सोमबार बिहान सार्वजनिक गरेको विवरणअनुसार फेला परेका शवमध्ये १०२ जनाको सनाखत भइसकेको छ । कतिपय शवमा आंशिक मानव अंग मात्रै फेला परेको प्राधिकरणले जनाएको छ ।
प्राधिकरणका अनुसार फेला परेका शवमध्ये रसुवामा १६९, नुवाकोटमा १९७, धादिङमा ७०, गोरखामा ७५, नवलपरासी पूर्वमा २२३, नवलपरासी पश्चिममा २२२, तनहुँमा ३८ र चितवनमा ३६३ जनाको शव फेला परेको छ ।
बाढीपछि ५ हजार ३३६ जना अझै सम्पर्कविहीन रहेको प्राधिकरणले जनाएको छ । सम्पर्कविहीनमध्ये ५८७ जना विदेशी नागरिक रहेका छन् ।
हालसम्म बाढी प्रभावित क्षेत्रबाट १३ हजार ५८३ जनाको उद्धार गरिएको छ । खोज तथा उद्धारका लागि २१ हजार ४०२ सुरक्षाकर्मी परिचालन गरिएको प्राधिकरणले जनाएको छ ।
सम्पर्कविहीनको खोजी तथा उद्धार कार्यलाई तीव्रता दिइएको र फेला परेका शवको पहिचान तथा व्यवस्थापनको कामसमेत भइरहेको बताइएको छ ।
प्रकाशित मिति: मंगलबार, भदौ २३, २०८३
-1784890653-1788942355.jpg)
