काठमाडौं । प्रधानमन्त्री बालेन्द्र शाहले रसुवामा आएको बाढीको घटना जलवायु परिवर्तनसँग पनि सम्बन्धित रहेकाले अन्तर्राष्ट्रिय समुदायलाई यसबारे जानकारी गराउनुपर्ने बताएका छन्।
बुधबार प्रतिनिधिसभा बैठकलाई सम्बोधन गर्दै प्रधानमन्त्री शाहले हिमालय क्षेत्रमा विपद्को जोखिम बढ्दै गएको भन्दै यो विश्वकै साझा जिम्मेवारी भएको बताए।
“जलवायु परिवर्तनका कारण हामीमाझ यस्तो विपद् आइलाग्यो। हिमालय क्षेत्रमा जोखिम बढेको यसले देखाउँछ। त्यसैले यो विपद्मा हामीले अन्तर्राष्ट्रिय समुदायलाई भन्नुपर्छ। यो विश्वको साझा जिम्मेवारी हो,” उनले भने।
प्रधानमन्त्री शाहले रसुवा बाढीलाई मानव सभ्यताले भोगेको सबैभन्दा ठूलो घटनामध्ये एक भएको उल्लेख गरे।
प्रतिनिधिसभा बैठकमा उनले बाढी तथा पहिरोबाट भएको क्षति, उद्धार तथा राहतका लागि सरकारले गरेका काम र व्यवस्थापनबारे समेत जानकारी गराएका थिए।
प्रकाशित मिति: बुधबार, भदौ १७, २०८३
