काठमाडौं । खोज तथा उद्धारका क्रममा रसुवास्थित चिलिमे र अपर त्रिशूली–१ जलविद्युत् आयोजनाका टनेलमा तीनजनाको शव भेटिएको छ ।
नेपाली सेनाका अनुसार चिलिमे हाइड्रोको टनेलमा दुई वटा शव भेटिएका छन् । विदेशी प्राविधिकसहितको संयुक्त खोज तथा उद्धार टोलीले टनेलभित्र करिब १०० मिटर प्रवेश गरी खोजी गर्ने क्रममा हिलोमाटोले पुरिएको अवस्थामा ती शव फेला पारेको हो ।
यस्तै, अपर त्रिशूली–१ जलविद्युत् आयोजनाको टनेलमा पनि एकजनाको शव भेटिएको छ । खोज तथा उद्धार टोलीले टनेलभित्र करिब ३०० मिटरसम्म प्रवेश गरी खोजी गर्ने क्रममा शव फेला पारेको नेपाली सेनाले जनाएको छ ।
प्रकाशित मिति: सोमबार, भदौ १५, २०८३
-1787133994.jpg)