काठमाडौं । तिब्बतबाट रसुवातर्फ आएको विनाशकारी बाढीमा परी घाइते भएका २६ जनालाई बिहीबार बिहानसम्म त्रिवि शिक्षण अस्पताल (टिचिङ) ल्याइएको छ।
अस्पतालका अनुसार उपचारका क्रममा २५ वर्षीय एक पुरुषको मृत्यु भएको छ। अस्पतालमा उपचाररत घाइतेमध्ये ६ जनाको आईसीयूमा उपचार भइरहेको छ।
त्रिवि शिक्षण अस्पतालका प्रवक्ता डा. गोपाल सेढाईंका अनुसार बाढी प्रभावित क्षेत्रबाट थप ५० देखि ६० जना घाइते उपचारका लागि आउन सक्ने सूचना प्राप्त भएको छ।
सम्भावित बिरामीको चापलाई ध्यानमा राख्दै अस्पतालले आवश्यक तयारी गरिसकेको उनले बताए। उनका अनुसार थप आउने घाइतेमध्ये आईसीयू आवश्यक पर्ने अत्यन्त गम्भीर बिरामीभन्दा सामान्य चोटपटक लागेका बिरामीको संख्या बढी हुन सक्ने अनुमान गरिएको छ।
अस्पतालले सम्भावित बिरामीको चाप व्यवस्थापनका लागि उपचार टोली तथा आवश्यक सेवा तयारी अवस्थामा राखेको जनाएको छ।
तिब्बतबाट आएको भीषण बाढीले रसुवामा ठूलो जनधनको क्षति पुर्याएको छ। बाढी प्रभावित क्षेत्रमा उद्धार तथा राहत कार्य जारी रहँदा घाइतेलाई विभिन्न अस्पतालमा उपचारका लागि ल्याउने क्रम जारी छ। सम्पर्कविहीन आफन्तको खोजीमा परिवारजन अस्पताल पुग्ने क्रमसमेत बढेको छ।
प्रकाशित मिति: बिहीबार, भदौ ११, २०८३
-1787133994.jpg)
-1787729040-1787822224.jpeg)
-1787729040-1787815274.jpeg)