काठमाडौं । रसुवाको आमाछोदिङमो गाउँपालिकामा भीषण बाढीपछि ५० जना स्थानीय बेपत्ता भएका छन्।
गाउँपालिका अध्यक्ष बुचुङ तामाङका अनुसार आमाछोदिङमो–१ का ४० जना र वडा नम्बर ४ का १० जना बेपत्ता भएका हुन्।
सोही गाउँपालिकामा रहेको माथिल्लो त्रिशूली–१ जलविद्युत् आयोजनामा कार्यरत कर्मचारी तथा कामदारमध्ये कति जना बेपत्ता छन् भन्ने यकिन हुन नसकेको अध्यक्ष तामाङले बताए।
उनका अनुसार आयोजनाबाट एकजना भागेर बाहिर निस्किएका व्यक्तिले सुरुङभित्र डेढदेखि दुई सय जनासम्म थुनिएको जानकारी दिएका छन्। घटनाबारे थप विवरण भने पुष्टि हुन बाँकी छ।
अध्यक्ष तामाङले उद्धार कार्यमा ढिलाइ भइरहेको भन्दै पर्याप्त हेलिकोप्टर उपलब्ध हुन नसकेको बताए। उनका अनुसार अझै ठूलो संख्यामा नागरिकको उद्धार गर्न बाँकी छ।
बुधबार बिहान चीनको तिब्बततर्फबाट भोटेकोशी नदीमा आएको भीषण बाढीले रसुवा, नुवाकोटलगायतका क्षेत्रमा ठूलो जनधनको क्षति पुर्याएको छ।
प्रकाशित मिति: बिहीबार, भदौ ११, २०८३
-1787133994.jpg)
-1787729040-1787822224.jpeg)
-1787729040-1787815274.jpeg)