पछिल्लो केही दिनयता भारतमा एटीएमबाट पैसा हराउन थालेको छ ।
भारतीय मिडियाहरूमा प्रकाशित/प्रसारित समाचार अनुसार ठगहरूले कि कार्ड क्लोनिङमार्फत् व्यक्तिको खातामा रहेको पैसा निकाल्न थालेका छन् । दिल्लीमा मात्रै पछिल्लो १० दिनमा ८८ जनाको बैंक खाताबाट करिब १९ लाख रूपैयाँ हराएको छ ।
उनीहरूले आफ्नो रकम हराएको भन्दै प्रहरीमा उजुरी दिएका छन् । एटीएमबाट पैसा निकाल्दा आफ्नो रकमबाट काटे पनि आफूले भने प्राप्त नगरेको उनीहरूको भनाइ छ । मोबाइलमा पैसा निकालेको सन्देस आए पनि आफूले भने प्राप्त नगरेको भन्दै उनीहरूले प्रहरीमा उजुरी दिएका हुन् ।
यसरी दैनिक रूपमा पैसा हराउनेहरू उजुरी बोकेर आउन थालेपछि प्रहरीले विशेषज्ञको सहयोगमा घटनाबारे अनुसन्धान थालेको छ ।
प्रकाशित मिति: सोमबार, वैशाख ३०, २०७६
-1732776560.jpg)
