७ चैत, काठमाडौँ । नेपाल प्रहरीको महानिरिक्षकमा जयबहादुर चन्दलाई नियुक्त गर्ने सरकारको निर्णय बिरुद्ध परेका मुद्दामा सर्वोच्च अदालतको पूर्ण इजलासमा आइतबारबाट सुनुवाई शुरु भएको छ । निवेदकका तर्फका कानुन व्यव्सायीको बहस नसकिएकाले अाज पनि सुनुवाई हुनेगरी मुद्दालाई हेर्दाहेर्दैमा राखिएको छ । आईजिपी नियुक्तिको बिरोधमा परेका दुईवटा रिट तथा एउटा निवेदन उपर प्रधानन्यायाधीश सुशीला कार्की सहितको पूर्ण इजलासमा सुनुवाइ सुरु भएको हो । इजलासमा रिट निवेदकका तर्फवाट आइतबार कानुन व्यवसायीले बहस गर्दै पहिलो वरियताका नवराज सिलवाललाई नै महानिरिक्षक बनाउनुपर्ने दाबी गरेका छन ।
प्रहरी महानिरिक्षकमा तेस्रो वरियताका चन्दलाई नियुक्त गरिएपछि दाबेदार डिआइजी सिलवाल लगायतले सरकारी निर्णय वदर गर्न माग गर्दै रिट दायर गरेका थिए । निवेदक पक्षको बहस सकिएपछि सरकारका तर्फबाट सहन्यायधिवक्ता र उपमहान्याधिवक्ताले बहस गर्नेछन् । सम्भवतः मुद्दाको फैसला सोमबार हुनेछ । पूर्ण इजलासमा प्रधानन्यायाधीश कार्की सहित न्यायाधीश हरिकृष्ण कार्की, ईश्वर खतिवडा, आनन्दमोहन भट्टराई र अनिलकुमार सिन्हा हुनुहुन्छ । त्यसयता नेपाल प्रहरीको नेतृत्वमा निमित्त महानिरिक्षकका रुप्मा प्रविधिक तर्फका एआइजी डा. दिनेशचन्द्र पोखरेलले जिम्मेबारी सम्हाल्नु भएको छ ।
प्रकाशित मिति: शनिबार, चैत ५, २०७३
