६ चैत, चितवन । नेपाल पत्रकार महासंघ चितवनको ११ औं अधिवेशनले राधेश्याम खतिवडाको नेतृत्वमा १९ सदस्यीय नयाँ कार्यसमिति निर्वाचित गरेको छ । आइतबार बिहान ५ बजे सम्पन्न चुनावी प्रक्रियाबाट अध्यक्षमा राधेश्याम खतिवडा निर्वाचित हुनुभएको छ । खतिवडाले १४५ मत प्राप्त गर्दा अध्यक्षका अर्का उम्मेदवार सूर्यप्रकाश कँडेलले १९ मत प्राप्त गर्नुभएको थियो । यस्तै सचिवमा राजु चौधरीलाई हराउँदै तिर्थ नेपाल विजयी हुनुभएको छ । नेपाल १३२ मतका साथ विजयी हुँदा चौधरीको पक्षमा भने ३५ मत मात्र परेको थियो ।
प्रकाशित मिति: शनिबार, चैत ५, २०७३
