४ चैत, काठमाडौँ । सद्भावना पार्टीका सहअध्यक्ष लक्ष्मणलाल कर्णले जवर्जस्ती निर्वाचन गरे मुलुक द्वन्द्वमा जाने चेतावनी दिनुभएको छ । शुक्रबार रिपोर्टर्स क्लबमा आयोजित कार्यक्रममा उहाँले स्थानीय निर्वाचनमा मोर्चा सहभागी नहुने र बलजफती गरेर निर्वाचन गरे द्वन्द्व सिर्जना हुने चेतावनी दिनुभयो । कर्णले अहिले संविधान संशोधन पहिले कि चुनाव भन्ने विषयमा विवाद भैरहेको भन्दै जबरजस्ती निर्वाचन गरेर मुुलुकलाई द्धन्द्धमा लैजाने कि निर्वाचनको मिति पर सारेर मुलुकलाई सहमतिको लागि निकास दिने ? भन्ने प्रश्न गर्नुभयो । कर्णले चैत्र १५ गतेसम्म नरम आन्दोलनका कार्यक्रमहरु सार्वजनिक गरेको बताउँदै त्यसपछि कडा आन्दोलन हुने दाबी गुर्नभयो । उहाँले संघीयता विरोधी पार्टीलाई नै संघीय मामिला मन्त्रालयको जिम्मेवारी दिएर सरकारले गल्ती गरेको आरोप लगाउनु भएको छ । शुक्रबार रिपोर्टर्स क्लबमा आयोजित कार्यक्रममा उहाँले भन्नुभयो ‘राप्रपाले संघीयता मानेको छैन, तर संघीयता नमान्नेलाई नै संघीय मन्त्रालयको जिम्मेवारी दिईएको छ, यो विडम्बना हो ।’ सहअध्यक्ष कर्णले भन्नुभयो ‘सरकारले संघीयता विरोधी कमल थापालाई नै संघीय मामिला मन्त्री बनाएर के गर्न खोेजेको भन्दै आक्रोश पोख्नुभयो ।
प्रकाशित मिति: बिहीबार, चैत ३, २०७३
