१ चैत, काठमाडौँ । रामेश्वर खनालले नयाँ शक्ति पार्टी परित्याग गरेका छन । खनाल आर्थिक नीति विभाग प्रमुख हुनुहुन्थ्यो । पछिल्लो समय पार्टीका कुनै गतिविधिमा सहभागी नभएको उहाँले सामाजिक सञ्जाल ट्विटरबाट आफू पार्टीको कुनै जिम्मेवारीमा नरहेको स्पष्ट पार्नुभएको छ । ‘म कुनै पार्टीमा छैन । राजनीति मेरो क्षमताको विषय रहनेछ’, सामाजिक सञ्जालमा आफ्नाबारेमा प्रष्टिकरण दिँदै उहाँले भन्नु भएको छ । म कुनै पार्टीमा छैन । राजनीति मेरो क्षमताको विषय रहनेछ’, सामाजिक सञ्जालमा आफ्नाबारेमा प्रष्टिकरण दिँदै उहाँले बताउनुभएको छ । डा. बाबुराम भट्टराईले नयाँ शक्ति घोषणा गर्नु अगाडि गठन गरेको केन्द्रीय परिषदका संस्थापक २५ सदस्यमध्ये एक जना खनाल हुनुहुन्थ्यो । यसअघि नयाँ शक्तिबाट केन्द्रीय परिषद सदस्य मुमाराम खनालले पार्टी छोडिसक्नु भएको छ ।
प्रकाशित मिति: सोमबार, फागुन ३०, २०७३
