२८ फागुन, काठमाडौँ । भारतका विभिन्न राज्यमा हालै सम्पन्न विधान सभा निर्वाचनको नतिजा आउने क्रम सुरु भएको छ । शनिबार बिहान १२ बजेसम्म प्राप्त मत परिणम अनुसार भारतकै सबैभन्दा ठूलो राज्य उत्तरप्रदेशमा भाजपाले दुई तिहाइ मतले अग्रता कायम गरेको छ । आजतक न्युजका अनुसार कुल ४०३ सदस्यीय विधानसभाका ३०१ सिटमा बिजेपी गठवन्धन अग्रस्थानमा छ । समाजवादी दलको गठवन्धन ६५ सिटमा अग्रता हासिल गर्दै पछ्याइरहेको छ । उत्तरप्रदेशमा समाजवादी दल र कंग्रेसले चुनावी सहकार्य गरेको थियो । त्यस्तै, बिएसपीले २० र अन्यले १७ स्थानमा अग्रता लिइरहेका छन् । उत्तरप्रदेश राज्यमा यही फेब्रुअरी र मार्चमा गरी सात चरणमा विधान सभा चुनाव भएको थियो । पञ्जाबमा भने कांग्रेसले स्पष्ट बहुमत पाउने देखिएको छ । अहिलेसम्म प्राप्त मत परिणाम अनुसार पञ्जाबको ११७ सदस्यीय विधानसभामा कांग्रेसले ७३ सिटमा अग्रता कामय गरेको छ । पञ्जाबमा आम आद्मी पार्टी आपले कांग्रेसलाई पछाइरहेको छ । आपले २४ सिटमा अग्रता कायम गरेको छ । उत्तराखण्ड राज्यमा अहिलेसम्मको मतपरिणामअनुसार भाजपाले स्पष्ट रुपमा अग्रता कायम गरेको छ । ७० सदस्यीय विधानसभामा भाजपाले ४९ सिटमा आग्रता कायम गरेको छ । त्यस्तै गोवा र मणिपुरमा पनि विजेपीले अग्रता कायम गरेको छ । यद्यपी यी दुबै राज्यमा कांग्रेसले निकै नजिकबाट पछाइरहेको छ ।
प्रकाशित मिति: शुक्रबार, फागुन २७, २०७३
-1732776560.jpg)
