२७ फागुन, काठमाडौँ । संघीय समाजवादी फोरमका नेता अशोक राईले संसदमै भारतीयको पक्ष पोषण गरेका छन । व्यवस्थापिका संसदको शुक्रबारको बैठकमा बोल्दै उनले भारतीय राजदूतावासको विज्ञप्तिको पक्षपोषण गरे । राईले कञ्चनपुरमा एसएसबीको गोली लागेर एक जनाको मृत्यु भएको भनिए पनि भारतीय दूतावासले गोली नचलेको दाबी गरेकाले घटना रहस्यमय भएको बताए । राईले यसबारे सत्यतथ्य सदनलाई जानकारी गराउन माग गरे । राईले बोलिसकेपछि संघीय गठवन्धन र मधेसी मोर्चा आवद्ध सांसदहरुले व्यवस्थापिका संसदको बैठकमा सप्तरी घटनाका दोषीलाई कारवाहीको माग गर्दै नाराबाजी गरे । आफ्नो ठाउँबाट रोष्टम अगाडि गएर सप्तरी घटनाका दोषीमाथि कारवाही माग्दै नाराबाजी गरेका हुन् ।
प्रकाशित मिति: बिहीबार, फागुन २६, २०७३
