एजेन्सी । पृथ्वीको तापक्रम वृद्धिमा विशेष भूमिका भएका ग्यासहरूको मात्रा सन् २०१७ मा सबैभन्दा बढी देखिएको छ ।
वल्र्ड मिटिअरोजिकल अर्गनाइजेशनले हरितगृह ग्याससम्बन्धी आफ्नो वार्षिक बुलेटिनमा हरितगृह ग्यासको मात्रा बढ्ने क्रम घट्ने संकेत नदेखिएको जनाएको छ ।
सन् २०१७ मा कार्बन डाइअक्साइडको मात्रा ४०५ पीपीएम पुग्यो । यो मात्रा पृथ्वीको वातावरणमा विगत ३०–५० लाख वर्षमा कहिल्यै पुगेको थिएन ।
अनुसन्धानकर्ताहरूले सीएफसी–११ नामक एउटा प्रतिबन्धित ग्यास फेरि देखिन थालेको जनाएका छन् । सन् १९९० यता यी ग्यासहरूको मात्रा ४१ प्रतिशतले बढेको बताइएको छ ।
वातावरणमा सन् २०१७ मा कार्बन डाइअक्साइडको मात्रा औद्योगिक क्रान्ति हुनु अगाडिको समयभन्दा १४६ प्रतिशतले वृद्धि भएको छ ।
सन् २०१५ देखि २०१६ सम्म भएको वृद्धिभन्दा सन् २०१६ बाट २०१७ मा भएको बढी छ । तर अघिल्लो दशकको औसत वृद्धिदर नजिक रहेको बताइएको छ ।
वल्र्ड मिटिअरोजिकल अर्गनाइजेशन महासचिव पेट्टरी टालासका अनुसार पृथ्वीमा ३० देखि ५० लाख वर्षअगाडि कार्बन डाइअक्साइड लगभग सोही मात्रामा पुगेको थियो ।
त्यतिबेला तापक्रम अहिलेको भन्दा २–३ डिग्री सेन्टिग्रेड बढि थियो र समुद्र सतह १०–२० मिटर माथि थियो ।
कार्बन डाइअक्साइड, मिथेन र नाइट्रस अक्साइडलाई जलवायु परिवर्तनका लागि मुख्य जिम्मेवार ग्यास मानिन्छ । युनिभर्सिटी अफ इस्ट एङ्लियाकी प्राध्यापक कोरिन लो क्वेरे यी तीन हरितगृह ग्यास अनियन्त्रित रूपमा बढ्दै गएकोमा तिन्ता थपिएको बताएकी छन् ।
प्रकाशित मिति: बिहीबार, मंसिर ६, २०७५
-1732776560.jpg)
