एजेन्सी । मोरोक्कोकी एक महिलाले आफ्ना प्रेमीको हत्या गरी उनको मासु संयुक्त अरब इमिरेट्स (युएई) मा कार्यरत पाकिस्तानी श्रमिकहरूलाई पकाएर खुवाएको आरोप लागेको छ ।
अभियोजनकर्ताहरूले ती महिलाले आफ्ना प्रेमीको तीन महिनाअघि हत्या गरेको बताएका छन् । तर, उनको ‘ब्लेन्डर’ मा मानव दाँत भेटिपछि मात्रै त्यसाबारे थाहा भएको थियो ।
आरोपित महिलाले सो घटनालाई आफ्नो पागलपनका रुपमा स्वीकार गरेको त्यहाँको सरकारी पत्रिका ‘द नेशनल’ ले उल्लेख गरेको छ । करिब ३० वर्षीया ती महिलाले अनुसन्धानपछि अदालतको सामना गर्नुपर्नेछ ।
मृतक व्यक्तिसँग उनी सात वर्षदेखिको प्रेम सम्बन्धमा थिइन् । द नेशनलका अनुसार ती व्यक्तिले अर्के महिलासँग विवाहको तयारी गरेको थाहा पाएपछि हत्या गरेको उल्लेख गरेको छ ।
प्रहरीले उनको हत्या कसरी भयो भन्नेबारेमा विस्तृत नखुलाएपनि ती व्यक्तिका अंगहरु पकाएर आसपासमा काम गरिरहेका पाकिस्तानी कामदारलाई खुवाएको बताइएको छ ।
पत्रिकाका अनुसार हत्या गरिएका व्यक्तिका भाईले उनलाई ओमनको सीमा नजिकैको अल अलिनस्थित शहरमा रहेको घरमा खोज्न गएपछि ब्लेन्डरभित्र दाँत फेला पारेका थिए ।
उनका भाईले आफ्ना दाजु हराईरहेको उजुरी प्रहरीमा दिएका थिए । जसले डीएनए परीक्षण गरेपछि सो दाँत हराइरहेका भनिएका उनका दाजुकै रहेको पुष्टी भएको थियो ।
प्रहरीका अनुसार महिलाले पहिले मृतकका भाईलाई घरबाट निकालिदिएको बताएकी थिइन् । अनुसन्धानका क्रममा हत्या गरेको स्वीकार गरिन् ।
प्रकाशित मिति: बुधबार, मंसिर ५, २०७५
-1732776560.jpg)
