वासिंगटन । अमेरिकी राष्ट्रपति डोनाल्ड ट्रम्पले आफ्नी छोरी इभान्का ट्रम्पको बचाउ गरेका छन् ।
आफ्नो व्यक्तिगत इमेलबाट सरकारी इमेल पठाएको विषयलाई लिएर आलोचना भइरहेको छ । ट्रम्पले यी इमेलमा कुनै गोप्य जानकारी नभएको दाबी गरेका छन् । उनले यी इमेल पूर्व विदेशमन्त्री हिलारी क्लिन्टनको जस्तो गोप्य नभएको पनि बताएका छन् । साथै उनले यी इमेलहरु नहटाइएको पनि उल्लेख गरेका छन् ।
पूर्व विदेशमन्त्री हिलारी क्लिन्टनले पदमा रहँदा ३३ हजार इमेल हटाएको विषयले ठूलो रुप लिएको थियो ।
यसैबीच, अमेरिकी कंग्रेसले राष्ट्रपति डोनाल्ड ट्रम्पकी छोरी इभान्का ट्रम्पले सरकारी कामकाजमा व्यक्तिगत इमेल प्रयोग गरेकोबारे छानविन गर्ने भएको छ ।
ट्रम्पकी छोरी इभान्का ट्रम्प, उनका पति जारेड कुशनर र व्हाइट हाउसका अन्य अधिकारीको यो घटनामा सामेल भएको विषय बाहिर आएपछि गत वर्ष कंग्रेसको निगरानी र सरकारी सुधार समितिले छानविन सुरु गरेको थियो ।
निगरानी समितिको सम्भावित अध्यक्ष एलिजा कमिंग्सले मंगलबार यो विषयमा दुई सदस्यीय जाँच समिति बहाल गर्ने बताएकी छन् । यसलाई रिपब्लिकन पार्टीले बन्द गरिदिएको थियो ।
प्रकाशित मिति: मंगलबार, मंसिर ४, २०७५
-1732776560.jpg)
