२६ फागुन, म्याग्दी । म्याग्दीको बालमन्दिर आधारभूत विद्यालयमा बुधबार राति आगोलागी हुँदा दश कोठे भवन जलेर ध्वस्त भएको छ । आगोलागीबाट बेनी नगरपालिका १४ डाँडाखेतमा रहेको विद्यालयको काठ, ढुङ्गामाटोले बनेको दुई तले दश कोठे भवन जलेर ध्वस्त भएको हो । विद्युत सर्ट भएर आगोलागी हुँदा भवनका साथै फर्नीचर लगायतका भौतीक सामग्री जलेर नष्ट हुँदा रु १ करोड भन्दा बढीको क्षति भएको शिक्षक रामप्रसाद शर्माले जानकारी दिनुभयो । विद्यालय प्रशासनका कागजात, कम्प्युटर, पुस्तकालयका करिव ७ हजार पाठ्यपुस्तक, ९ वटा कम्प्यूटर सहित विद्यालयका महत्वपुर्ण दस्तावेज सहितको साम्रग्री जलेर नष्ट भएको छ ।
प्रकाशित मिति: बुधबार, फागुन २५, २०७३
