काठमाडौं । साउदी अरबका युवराज मोहम्मद बिन सलमानले पहिलो परमाणु रियक्टर बनाउने घोषणा गरेका छन् । उनले सरकारी समाचार एजेन्सीसँग कुरा गर्दै परमाणु रियाक्टर बनाउने बताएका हुन् ।
समाचार एजेन्सी एफपीका अनुसार युवराज सलमानले सोमबार यो योजनाको आधारशीला पनि राखेका छन् ।
यद्यपी, यो रियाक्टर कस्तो हुनेछ यसबारे साउदी प्रेस एजेन्सीले कुनै जानकारी दिएको छैन ।
परमाणु रियाक्टर आणविक प्रक्रिया सञ्चालन तथा नियन्त्रणमा प्रयोग हुने उपकरण हो ।
साउदी अरबको आगामी दुई दशकमा १६ परमाणु रियक्टर बनाउने योजना छ र यसमा करिब ८० अर्ब डलर खर्च हुने अनुमान छ ।
प्रकाशित मिति: सोमबार, कात्तिक १९, २०७५
-1732776560.jpg)
