काठमाडौं । भारतको जम्मू कश्मिरमा बिहिबार राती भारतीय जनता पार्टी (भाजपा) का प्रदेश सचिव अनिल परिहार र उनका भाइ अजित परिहारको अज्ञात बन्दुकधारीले गाली हानी हत्या गरेका छन् ।
अनिल र उनका भाइ घर फर्किरहेका बेला उनीमाथि गोली हानिएको थियो । उनीहरुमाथि निकै नजिकबाट गोली चलाइएको बताइएको छ ।
जम्मू कश्मिरका जनरल सेक्रेटरी अशोक कौलले घटनाको पुष्टि गर्दै परिहार बिजेपीका ठूला नेता भएको बताए ।
कौलले भने, ‘अनिल बिजेपीका ठूला नेता थिए । बाल्यकालदेखि नै बिजेपीसँग जोडिएका थिए । उनी जम्मू–बिजेपीका सात ठूला नेतामा गनिन्थे ।’
गोली कसले र किन हानेको भन्ने अझै खुल्न सकेको छैन । घटना भएको किश्तवाड इलाकामा शान्ति स्थापनाका लागि कर्फ्यु लगाइएको छ ।
प्रकाशित मिति: बिहीबार, कात्तिक १५, २०७५
-1732776560.jpg)
