आङ सान सुकीले म्यानमारको नागरिक शासकको रुपमा चालेका केही कामकारबाहीहरु ‘खेदजनक’ रहेको भनेर कतिपयले उनले उक्त पुरस्कार फिर्ता गर्नुपर्ने बताइरहेको बेला नोबेल फाउन्डेशनका प्रमुखले भने त्यसको आधारमा उनलाई दिइएको नोबेल शान्ति पुरस्कार फिर्ता नहुने बताउका छन् ।
यो वर्षको नोबेल पुरस्कार प्रदान गर्नु अघि फाउन्डेशनका प्रमुख लार्स हेइकेन्स्टेनले यस्तो बताएका हुन् । उनले पुरस्कार दिइसकेपछि व्यक्तिले गरेका कामलाई नै बहाना बनाएर पुरस्कार फिर्ता लिनुको कुनै तुक नहुने बताए ।
“पुरस्कार फिर्ता गर्दा यसले नोबेल पुरस्कार पाइसकेपछि विजेताले गरेका कार्यलाई लिएर लामो बहस सिर्जना गर्छ । हामीलाई स्वीकार्य नहुने कार्य गर्ने नोबेल पुरस्कार विजेता विगतमा पनि थिए र भविष्यमा पनि हुनेछन् । यसलाई हामी रोक्न सक्दैनौं ,” फाउन्डेशनका प्रमुख लार्स हेइकेन्स्टेनले भने ।
संयुक्त राष्ट्रका अनुसन्धानदाताहरुले अगस्टमा सार्वजनिक गरेको एक रिपोर्टमा म्यानमारको सेनाले ‘नरसंहारको उद्देश्य’ले मुसलमान समुदाय रोहिंग्याहरु माथिको कारबाही चलाइएको र त्यही अपरेशनको कारणले ७,००,००० रोहिंग्याहरु छिमेकी बंगलादेशमा शरणार्थी भएको उल्लेख गरेकका थिए ।
सुकी हाल म्यानमारको नागरिक सरकारको नेतृत्व गरिरहेकी भएकाले पुरुस्कार फिर्ताको कुरा उठेको देखिन्छ ।
त्यस्तै संयुक्त राष्ट्रको रिपोर्टमा समेत सेनाको क्रुर कार्यविरुद्ध सुकीले कुनै ‘नैतिक अधिकार’ प्रयोग नगरेको आरोप लगाइएको छ ।
प्रकाशित मिति: सोमबार, असोज १५, २०७५
-1732776560.jpg)
