उत्तर कोरिया । नेता किम जोङ उनलाई आफ्नी बहिनीको उमेर ढल्किन लागेपछि विवाहको चिन्ताले सताउन थालेको छ । किम जोङ उन आफ्नी २० वर्षीया बहिनीकालागि केटाको खोजीमा रहेका छन्। ।
अन्तर्राष्ट्रिय संचारमाध्यमका अनुसार आफ्नी बहिनीकालागि भनेजस्तो केटा पाइयोस् भनेर उनले वहिनीको विवाहमा धेरै सम्पत्ति दिने घोषणा पनि गरेका छन् । मानिसहरु किम जोङ उनलाई क्रुर तानाशाहका रुपमा हेर्ने गर्छन् । यस्तोमा किमकी बहिनीसँग विवाह गर्नु रिस्क लिनु जस्तै हाे । यही डरका कारण अहिलेसम्म योग्य केटाहरु किमकी बहिनीसँग विवाह गर्न डराइरहेका छन्। जसको असर उनकी वहिनीको विवाहमा देखिएको छ ।
आफ्नी बहिनीको चाँडै विवाह होस भनेर किमले १००० करोड रुपैयाँ नगद दिने घोषणा गरेको संचारमाध्यमले दाबी गरेका छन् । त्यतिमात्रै होइन उनले हुनेवाला ज्याइँकालागि नगद बाहेक भव्य महल पनि दिने घोषणा गरेका छन्। उनले आफ्नो बहिनीसँग विवाह गर्ने युवाकालागि केही सर्तसमेत राखेका छन् ।
किमकी बहिनीसँग विवाह गर्ने युवा प्योङयाङ विश्वविद्यालयबाट स्नातक गरेको हुनुपर्ने, उसको उचाइ ५ फिट दश इन्च र वजन ७५ किलोभन्दा कम हुन नहुने, युवकको रंग गोरो हुनुपर्ने र अनुहारमा कुनै दाग हुनु नहुने र सेनाको पृष्ठभूमिबाट हुनु नपर्ने छ । यदि कोही नवयुवकले यी सबै कुरा उत्तिर्ण गर्यो भने उसलाई १००० करोड नगदसहित किम जोङ उनकी सुन्दरी बहिनीको साथ जीवनभर मिल्नेछ।
प्रकाशित मिति: शनिबार, भदौ २, २०७५
-1732776560.jpg)
